點解30歲係人生最好嘅轉工時機？【辭職好時機】

到咗30歲，出黎做嘢已經一段時間，對自己嘅了解多咗，清楚哂自己啲優點、缺點同期望。如果有機會重新揀，或者會揀過其他行業…種種因素令到30歲轉工轉行好常見:

點解30歲係最佳嘅轉工時機？

隨住年紀越大，轉工轉行會越黎越難，因為年紀越大，責任越大。而30歲嘅時候，多數人都未有將來40、50歲嗰陣咁多負擔同責任。

而家呢代，對打份穩陣工去組織家庭嘅需要推遲咗- 結婚年齡中位數最新係︰男性29.9歲，女性27.9歲。生小朋友嘅平均年齡亦高咗︰1990-2019年間，30歲同40歲生育嘅女性比例Double咗。

比起35歲以後嘅中年人嚟講，25-34歲嘅年輕人開支都相對較低。35歲以後年紀越大，退休、住屋、醫療等開支負擔都會越大。所以，30歲係最佳嘅轉工時機，唔代表之後唔可以轉。但而家轉會比中年轉工容易啲。

30歲點轉行轉工?

轉工轉行要考慮好多嘢，包括你嘅興趣、能力、價值觀。唔好淨係追求錢同地位，要搵份真心鍾意嘅工，亦唔好俾而家份工困住自己。到咗30歲，仲有30、40年先至退休。揾份有興趣嘅工，可以撐多至少3個10年，好合理啫。

1. 新工日常係點?

轉行轉工要有全盤嘅考慮。首先要了解新工嘅日常，如果唔鍾意每日要做嘅嘢，份工自然做得唔開心。可以認真考慮做1年嘅實習(1 Year Placement)，睇下你鍾意嘅行業係點樣，再諗係唔係正式入行。

2. 有冇用得番嘅Skill Sets?

做咗幾年嘢，學到嘅Skill Sets好多都用得番喺其他行業。有啲公司見你已經識咗某啲Skill Sets，甚至俾你唔洗再去上Training，咁樣轉行就易啲快啲。如果想快啲入行，就睇下自己有冇啲可以用返喺新工嘅Skill Sets，咁就唔洗再額外去培訓進修。

3. 怕再進修考資格?

揀行業嘅時候，當然會諗埋駛唔駛再進修同再考cert。但係老實講，你仲要做好多年嘢，如果唔係經濟特別負擔唔起，就唔好因為要進修多幾年考個資格，就怕左唔入行…始終你事業嘅高度，取決於你肯投資幾多少嘅時間同努力!

30歲太老? 都未嘅！仲有好多時間同機會去追求你嘅目標。堅持自己嘅理想，相信自己嘅能力，一定可以喺30歲之後開創一個全新嘅事業！