4招教你辭職「0」尷尬!【辭職點開口】

好多人問辭職點開口? 點樣唔會搞到人人唔開心? 當要同同事、老細講你要辭職嘅時候，首先...唔好驚！你已經Accept咗份好正嘅新工，剩低最難嘅部分，只係點開口同同事講聲︰你要走先啦XD

1. 搵老細傾下!

好多時見啲員工走人，竟然冇同老細好好溝通下。而家通常係HR寫推薦信嘅，但你老細都仲有可能幫你寫多封，所以要確保離開嗰陣氣氛平和。唔好等你老細Deadline就到或者明顯心情欠佳嘅時候先走去傾偈！

辭職算係一個情感上嘅對話，所以最好直接同老細講你有份新工…同埋你會盡力確保過渡順利，同時要多謝老細一直以黎嘅支持。唔好驚，辭職其實係件正常事。只要你傾嘅時候保持禮貌同尊重，相信你嘅老細都會理解你嘅決定。！

2. 主動開口表示幫手過渡!

無論你點睇而家份工，同埋有幾急切想開始新工，最好都係走之前留低番個好印象。因為你仲需要一份推薦信，甚至第時仲有可能返番呢間公司。所以好簡單，喺你講辭職嘅時候，建議你主動出擊，積極提出會幫手過渡，去確保過渡順利，令公司受到最少嘅影響。咁樣，你就可以好有風度咁離開，喺老細心目中留低一個好印象。

3. 再講多次，要風度翩翩咁離開!

聽落好簡單，但其實好易搞錯！除咗要口頭同老細講離職，你仲要寫封簡短嘅辭職信。聽落好怪，但呢封信可以令辭職過程正式啲。人事問題、冇晉升機會、人工唔合理等等，或者呢啲就係令你產生負面情緒、去揾新工嘅原因，。不過呢個時候，要學識忍住，封信唔好寫呢啲嘢！

4. 保持專業冷靜!

如果你Supervisor或者同事覺得你辭職係「撇低佢地」、「無頭無尾」，佢地可能會試圖勸你留低，甚至激將法令你覺得內疚。呢個時候，要保持專業同冷靜。啱啱講過，負面情緒通常會搞到事倍功半。所以要集中精神喺你從呢份工學到嘅好嘢之上，唔好俾啲「小動作」搞到。直到行出門口嘅一刻，都要保持番禮貌同友善。你可以講番啲正面嘅說話回應，例如「我會好掛住同你哋一齊做嘢嘅日子」。Last Day亦可以請下同事食散水餅，咁樣同事先會記住你。

職場好細，開口溝通非常重要。不妨定期約下舊同事、見下面飲杯咖啡。呢啲Contact或者會幫你搵到新嘅機會。記住，人脈永遠係職場上最寶貴嘅資源！