如何跳槽而不失優雅專業? (上)【開口辭職】
已更新：11月13日
揾到份新工當然係興奮啦，代表你職業生涯即將開始新嘅一章。但要記住，一定要以專業嘅方式開口辭職啊，唔好搞到關係唔和睦。
而家幫你預先諗掂全個辭職流程，確保你同老細之間過渡順利，同同事保持良好嘅關係。
第一步：準備開口辭職要嘅嘢 辭職前，要計劃好同老細講嘢嘅準備：
1. 揀好時間同地點
揾個安靜嘅地方，可以專心傾嘢。唔好係老細好忙或者壓力大嘅時候約佢。
2. 安排一個會議
同老細約個會議，話有重要嘅嘢要講。唔洗預先透露要講嘅內容，但要確保有足夠嘅時間可以傾下。
3. 練習要講嘅嘢
事前計劃好要講啲乜，重點係講你要辭職嘅決定、對公司嘅感激同埋提議邊日Last Day。練習下可以幫你喺對話過程中保持冷靜同鎮定。
第二步：寫封專業嘅辭職信 一封寫得專業而又正式嘅辭職信係全個辭職過程嘅重要一環：
1. 簡潔啲
你嘅信要簡潔易明，重點放喺你辭職嘅決定、Last Day邊日同埋你對公司嘅感激上面。
2. 用正式啲嘅口吻
稱呼你老細嘅時候用啲適當嘅Title，全封信都要保持尊重嘅語氣。
3. 表達感激之情
要講多謝公司喺你任職期間嘅支持同指導。
4. 主動提出幫手過渡
提一下你願意幫手過渡期嘅事，例如訓練新人或者提供文件同資料。
5. 避免負面情緒
唔好批評公司、管理層或者同事。重點係講下你喺公司工作期間嘅正面經歷。
第三步：處理同事同老細嘅反應 你宣布辭職後，可能要面對同事老細嘅各種反應。點樣以專業嘅方式處理呢?
1. 預備好回應
預計到有人會問關於你嘅決定、新工同離開嘅原因。用誠實同正面嘅態度回應，同時根據需要保持你嘅私隱。
2. 表達同理心
你嘅離開對同事老細嚟講可能係困難嘅，特別係如果你喺團隊中扮演重要嘅角色。對佢地嘅感受表達番認同，承認番你嘅辭職可能對佢地有影響。
3. 專注喺正面嘅事
對話保持番正面，專注喺過渡期同未來可能有嘅新機會，而唔係一直講番而家工作嘅負面嘢。
4. 安撫你嘅團隊
俾班同事知道你會努力確保過渡順利，同埋會全力係個過程中幫助佢地。
未完……待續
即刻睇埋︰
