top of page

9大過氣Old Seafood「搵工規矩」!

以前搵工嘅時候,老細基本上掌握哂全部話語權。佢地會Set一堆請人「規矩」,如果搵工嘅時候踩界、違反咗呢啲「規矩」,通常就會被直接淘汰。但呢個時代已經過咗,有啲Old Seafood定落嚟嘅「規矩」如今已經變得過氣、冇意義,搵工嘅時候認真就輸了!


1. Miss咗Deadline就唔好報? 因為唔會再理你份CV?

如果有個好啱資格嘅Applicant 喺Deadline過咗幾日先報,大部分老細其實都會照考慮呢個Applicant,尤其係如果原先班Candidiate唔係好啱。當然,應該盡量跟返個Deadline報,但千祈咪因為怕miss咗Deadline而放棄自己想報嘅工呀!


2. 要跟足Application指示去報?

大部分情況下應該係要咁做,但唔係每次都一成不變。例如,有啲Job Ads會要求你寫埋Expected Salary。但其實Salary最好喺Recruitment嘅尾段至好講,等你全盤了解哂工作嘅情況先好去傾。如果你條件好好,淨係冇寫到Expected Salary,唔駛太擔心,公司都應該會照約你去Interview嘅!


3. 喺CV最頂寫返個Career Objective?

呢個其實係浪費CV嘅空間,睇CV嘅人通常都唔會理,唔寫都冇人會介意!


4. CV唔應該用第一人稱?

真係唔明點解CV唔可以用個「我」字。話哂講緊嘅係你自己嘅經驗同資歷…Relax啲、寫得自然啲,咁樣先會令個CV易睇啲!


5. Mass Send CV增加機會?

傳統教法係,盡量將一份平凡嘅CV Send俾好多間公司,咁就肯定有啲會中。但其實一份平凡嘅CV,只係反映緊黎報嘅係一位平凡嘅人,未必係老細想揾嘅Applicant。每份CV同埋求職信都應該精心編寫,迎合返個工作嘅要求,咁樣先會增加收到Interview嘅機會!


6. Interview唔可以帶Notes入去?

可能有啲公司會唔准,但其實大部份情況下去Interview係可以帶埋Notes。當然唔好話帶一大叠紙入去,帶幾頁紙就OK,寫番你想講嘅重點,同埋想問嘅問題就得!


7. 份工實係請最高資格嘅人?

唔一定嘅。老細通常會請最啱傾、又幫到佢哋解決問題嘅人。假設大家都滿足到最基本嘅工作要求,咁老細就會再睇下邊個似人緣好啲同似會夾到多啲!


8. 老細喺請人過程中主導一切?

Interview其實係一個雙向嘅過程,尤其係如果市場對你嘅工作技能有好大需求。應該準備啲好問題去Interview返班老細,咁樣其實會加深佢地對你嘅印象!


9. 即使對份工冇興趣,都照去Interview練習下?

呢個係唔尊重人地公司,浪費佢地同你自己嘅時間,因為對份工冇興趣會好明顯睇得出。如果需要練Interview,就搵Agent、搵Friend一齊練啦!



9 次查看0 則留言
bottom of page