top of page

你係咪跟緊個變態老細?認住呢8個徵兆!(下)

上文講到有啲老細嘅領導風格,就係用破壞性嘅行為同態度搞到成個工作環境都好負面!為咗自己身心健康,一定要知點判斷你係唔係跟左個變態老細!


8個明顯嘅極品老闆徵兆 (下):  


5. 佢哋有「雙重標準」

如果你跟過衰老細,你一定感同身受,佢哋最鍾意用「雙重標準」!佢哋可以係世上最「寬容」嘅老細,完全冇任何既定規則(因為佢哋隨時隨心所欲咁制定新規則),佢哋亦可以極度嚴厲無理。無論邊種,佢哋嘅行為都係變幻莫測,冇一致性。


當你嘅老細喺處理工作,例如對待deadline、員工評核、溝通風格、同埋項目管理嘅時候唔一致,你就會時刻感到工作上嘅不穩定性。


6. 佢哋好鍾意玩政治

衰老細會偏心某啲「親信」,而對待團隊其他成員時就唔公平。佢哋通常會偏愛最識奉承佢嘅人,變相減少喺團隊其他人身上獲得真正有用嘅意見。佢地更可能會故意挑撥一個員工同另一個員工對立,或者等一個員工以為有晉升機會後,最後其實只升自己嘅親信!


7. 唔相信屬下員工,控制欲極大

如果你老細唔信任你,就係惡夢開端。佢地唔單止會micro-manage你,仲會限制你發展才華同技能嘅空間。呢種管理方式會令員工壓力極大,亦同時浪費佢地嘅時間同精力。


如果你發現你老細瘋狂監視你嘅進度,而唔係俾你自己去做,就要考慮下呢個程度對件事係咪真係有必要?對公司真係好?


8. 佢哋隨時spam你

變態老闆會喺日夜不停spam你。即使冇必要,佢哋都要你24小時全天候待命,有嘢要做就期望你即刻處理,就算明知咁會打擾你同家人或者朋友嘅晚餐。變態老細唔會尊重你嘅私人時間,亦唔關心你嘅身心健康。佢哋根本唔明白,你嘅健康同自由係會直接影響你嘅工作表現同去留。


呢啲只係其中一啲極品老細嘅特點,仲有好多其他嘅徵兆你要留意,尤其係佢哋點對待下屬,對人有冇信任。如果你覺得你老細對你唔好或者提出唔合理嘅要求,或者係時候計劃揾更好嘅發展機會啦!



21 次查看0 則留言

Comments


bottom of page