「自律神經失調」大家可能好少聽，但原來無故頭痛、頭暈、疲倦、失眠、便秘、胸悶等等多種症狀都可能係自律神經失調（Dysautonomia）造成，而精神壓力更係自律神經失調嘅元凶! 如果你都有以下8個生活習慣，就要小心你都係自律神經失調高危人士！
人體自律神經系統控制住非自主意識嘅活動，控制範圍包括血管、胃、腸、肝、腎、膀胱、肺、心臟等器官，同時控制瞳孔、分泌汗水、消化等功能。自律神經系統又分為 交感神經(刺激身體反應) 同 副交感神經(抑制身體反應)。如果長期承受過多精神壓力，或時常打破正常生理時鐘，就會導致交感神經過度活躍，副交感神經受到抑制，即「自律神經失調」。
你有冇...
1. 經常食無定時？
2. 每日必須飲咖啡提神，一日超過2大杯。
3. 經常就算唔肚餓都狂食零食。
4. 經常因為時間緊迫，要multi-tasking
5. 好少運動，無論工作或生活都保持固定姿勢或重複動作
6. 工作經常要趕開會，或 OT熬夜
7. 每晚訓前都會諗工作或人際上嘅煩腦，甚至諗到訓唔着。
8. 明明已經好累，但一躺上床就難以入睡。
假如你有以上習慣 - 作息唔規律、過勞、壓力大、長期熬夜等，你嘅身體正過度燃燒，好大機會引發自律神經失調！身體機能長期亢奮、體內氧化代謝作用過於旺盛，但又無及時補充營養，代謝廢物就會堆積體內，引起各類症狀，例如常見熬夜後口臭、爆瘡，長遠就導致失眠、心悸、胃痛、便秘、免疫力下降，增加罹患慢性病風險。
自律神經失調雖然唔係致命重病，但可造成嘅症狀多樣化，令人飽受困擾。要改善狀況，除左正視壓力源頭，日常飲食調理都好重要！可以多攝取有助減壓嘅營養素，例如色胺酸同維他命B，可幫助大腦製造血清素，刺激神經系統，製造歡樂同平靜嘅信號；抗氧化物可對抗自由基，避免過量嘅代謝廢物損害人體細胞致癌。工作太忙太累時，停一停，飲杯養身花茶其實都可調理身心：
菊花茶
菊花含有豐富β-胡蘿蔔素可供人體轉換為維生素A，能夠有效改善眼睛發癢、發紅乾澀等症狀，預防乾眼症。菊花仲有降低肝臟毒素功效，紓緩因熬夜導致的口乾舌燥、頭暈疲倦。菊花含有名為類黃酮嘅抗氧化劑，能夠幫助人對抗自由基，排除體內毒素，強化抵抗力。
茉莉花茶
綠茶中除左兒茶素外，仲有茶胺酸，有緩解焦慮、助眠、提升專注力等效果。茉莉花茶帶有清新香氣，日本伊藤園同京都大學農業研究所嘅合作研究仲發現，茉莉花茶嘅茶香有鎮靜作用，能夠令人心曠神怡、紓解壓力。
玫瑰花茶
玫瑰花茶含豐富維生素C、多酚類、黃酮類等具抗氧化功效嘅化合物，能對抗人體內自由基。玫瑰含有香茅醇、香葉醇同橙花醇，能有效殺死大腸桿菌、金黃色葡萄球菌等菌體，幫助人體提升免疫力。玫瑰花茶亦能夠促進膽汁分泌，且含有幫助消化嘅益生菌，幫助人體改善腸道環境，預防便祕。
Comments